昨天因為要到醫院覆診, 所以焗住要請病假. 唔知係咪近日心神仿佛, 之前果晚至醒起其他兩個同事放假, 無人做bulkmail, 於是昨天晨咁早打返office問K姐可否幫手代勞, 她一如以往態度 - 爽口地答應了!
還以為事情解決了, 那知中午收到線報, 話當supervisor叫K姐幫手出一個急的bulkmail之時, 她竟然好似無應承過我咁, 重話: 我都唔係負責做哩個duty! 吓! 妳失憶呀? 幾個鐘頭之前的事喎! 唔想做咪不要應承我囉! 我最多自己返來做?!
於是我立即send個email給supervisor說明我的安排, 以免又再被”丙”.
後來我下午打電話給K姐, 問她可有問題, 她竟然一再以輕快的口吻回答我說: 無問題啦! 挍掂啦!...妖………………..
哩D究竟係咩人? 這樣玩我對妳有咩好處? 哩度又無職升! 如果妳是為了生存而剷除我, 我會原諒妳, 可是…唉, 真的不知所謂!
其實她並不是第一次挍鬼, 上次又係明明主動應承我留守office, 後來又挍到supervisor投訴我不顧office人手不足去參加”老人牌” 派發典禮, 真不明白她到底居心何在!?
今日又收到其中一個supervisor”丙”我無在放假之前安排好人手…我頂妳咩! 梗係有事至去覆診啦! 其他兩個同事一早開始放大假, 無論點都無其他人幫手啦! 你估我自己可以話事, 幾時去睇醫生就有? 我好聲好氣講埋sorry, 妳就得戚, 丙多兩野…死xx…廢鬼事睬妳!
唔知係咪今年犯太年歲無攝呢…?
奇怪的是, 對此事並沒有太激的反應, 可能是, 我對這裡的人和事已經死心 – 無希望就無失望, 又那會有甚麼感覺呢? 我係唔應該帶感情返工的!
沒有留言:
發佈留言