體重: 有增無減腰圍: 一日一日加大
脫髮情況: 依然嚴重, 未曾好過
學寫網頁: 仍然在入門階段 (只懂做個框!)
建立安樂窩: 得個恨字
影好D相: 買左個好鬼貴的相機, 然後又放埋一邊
去旅行: 淨係同左亞媽返鄉下拜山
改變陋習: 從未變過
睇多D書: 有買、有借、有還, 但三個月加埋共睇了唔夠廿頁
寫每週餐單: 見乜食乜, 食得最多是餅乾, 因為手到拿來
整理雜物: 重亂過搬屋初期
照顧母親: 唯一保持到的任務 (其實一向如此!)
多d活動: 做得最多的是”煲劇”
身體健康: 機件漸漸衰退 ~ 有心無力
總結: 乏善可陳! 每況愈下!
展望: 繼續心想, 希望總有一天啲起心肝落實去幹 ~ 事成!
沒有留言:
發佈留言