厚顏無恥

這邊廂對眾人說: 無論環境如何變動, 我都會盡我能力, 做好哩份工直到最後個秒鐘!

那邊廂卻算盡一切, 只為逃避工作, 例如在工作量多的日子放假, 病假年假不拘! 在眾人前說自己壓力大, 然後落淚, 令到黑面神super也怕怕, 就算她唔做野, 做錯野, 也對她客客氣氣, 恭恭敬敬!

她也有用心做的事: 利用辦公室的彩色打印機打印她的偶像美男; 利用電腦、傳真機、影印機為她老公的"生意"做文書, 這裡就如她的小型辦公室!

她更是一個出色的演員: 平日表現柔柔弱弱, 對所有人事都不火不燥, 其實...積埋積埋...暗地暗地...YOU WILL PAY!

世上竟然有如此的人, 在如此的環境中出現, 而又如此給我遇上...罪過罪過!

寂寞

從前有人問我: 一個人生活, 會唔會有寂寞的感覺?

我當時的回答是: 根本沒有時間寂寞!

那段的確是很忙碌的日子: 每天把最清醒的時段出賣給顧主之外, 還要以疲倦的身心應付實習工作、做報告、做工課、與實習拍檔討論工作及應付要求甚高的實習導師…星期天嗎? 是陪伴老父母的日子, 又豈能錯過!

畢業了! 父親也走了! 雖然工作生涯依然忙碌, 每星期天也依然陪伴母親, 但是, 我卻經常感到寂寞! 原來, 那是一種心靈的玩意, 當心裡連牽掛的對象也沒有的時候, 就會寂寞 – 這是”生命中不能承受之輕”!

按程序辦事

按程序辦事好!

唔理是大project, 抑或是芝麻綠豆小事情, 通通要經過既定程序, 唔會厚此薄彼!

唔理張order買一百樣野, 分九幾次送貨, 抑或只買一樣野, 分幾次送貨, 都唔可以淨係寫在order上, 要做一張四四正正的spreadsheet, 慌死老闆睇唔明!

把芝麻綠豆的事, 例如年中替同事挍左幾個生日會, 便當作偉大功績在週年大會報告, 難為佢講得出! 咁高人人工就係做d咁既野!

一份普通工作要經過九幾個人校對, 出哂街之後被對方發現有野錯, 到頭來又只是做哩份野既人有問題, 咁果九幾個人負責食屎嗎?

咁樣既辦公室, 就可以製造好多職位, 養好多無謂人啦! 不過, 咁既日子重會有幾耐過呢?

清明節

今年的舊曆生日剛巧是清明節, 以前有沒有遇過? 不知道~也許只是沒有留意罷!

這個巧合, 實在令人感觸良多啊! 父啊, 我是否應該把你放下呢? 但是, 我實在很想念你啊!

一個人上山頂走了一圈, 感覺是良好的, 我想我越來越享受孤獨了!

給自己買了蛋糕及咖啡, 平靜地度過今年的生日, 有一種幸福的感覺!

2007年首季報告

體重: 有增無減
腰圍: 一日一日加大
脫髮情況: 依然嚴重, 未曾好過
學寫網頁: 仍然在入門階段 (只懂做個框!)
建立安樂窩: 得個恨字
影好D相: 買左個好鬼貴的相機, 然後又放埋一邊
去旅行: 淨係同左亞媽返鄉下拜山
改變陋習: 從未變過
睇多D書: 有買、有借、有還, 但三個月加埋共睇了唔夠廿頁
寫每週餐單: 見乜食乜, 食得最多是餅乾, 因為手到拿來
整理雜物: 重亂過搬屋初期
照顧母親: 唯一保持到的任務 (其實一向如此!)
多d活動: 做得最多的是”煲劇”
身體健康: 機件漸漸衰退 ~ 有心無力

總結: 乏善可陳! 每況愈下!
展望: 繼續心想, 希望總有一天啲起心肝落實去幹 ~ 事成!