不學無術

說來真真瘀到痺！

第一件事:
上次去買相機的時候，那個Sales交部機給我試用，我一機在手，竟然不知如何操作，乜支鏡頭唔會跟住部機對焦而轉嘅？乜個mon睇唔到面前的畫面嘅？咁多掣，邊粒打邊粒呀...

旁邊個死Sales，見我咁樣，重吋我：你估哩個係傻瓜機咩？係單鏡反光機丫！係由觀境個窗望出去的...唓！好叻咩？人地未玩過單反丫嘛！我話哂都係顧客喎...咁嘅服務態度...(因為係自己水, 所以當時無出聲...!!)

後來, 佢見我咁爽快地決定買, 態度至唔同, 重幫我好好心機地黐哩張螢幕保護貼, 算你啦!

~~~~~~~~~~~~~~~~~~~~~~~~~~~~~~~
第二件事:
近來在圖書館借來一本關於構圖的書, 才發現, 原來影相並不只是憑感覺按快門的, 是可以加入構圖的技巧, 增加相片的美感及感染力的...學人影了這麼多年相, 其實只是個門外白痴呢!

驚覺自己實在是太太太...無知啦! 也許, 可幸我還有一點點羞愧之心, 就是它, 讓我不斷向前! 但假如有一天, 連這份動力也失去的時候, 相信就是...天國近了!!